ODM kogania IEBC koringoria okogora chikura aaria Kajiado ya gati

Omorai bw’ obochori korwa ODM omosike Junet Mohammed orangeirie ekeombe kia obochori n’ chimbebe (IEBC) koringoria obogori bw’ chikura bwaigwekanire aria Kajiado Central ase obochori oboke bogochia koera.Kobwaterana na abasike bande ba ekeombe ekio abajumbe, Junet nigo agoteba buna Jubilee Alliance Party nigo egokorera obong’ainereria bw’okoboko gose chibesa koiba chikura echio.

omosike Junet obogoretie chibesa chikageire korwa ase omomenyi o Japan

Gati ye ebitaseni bigotebekana buna Kajiado Town. JAP, nonya nabo yakanire amang’ana ayio na goteba buna echio ne chintacho chi’omoerio chia ebarasi. Ekerogo eke kiebunge nigo gekorwanererwa na Memusi Kanchori korwa ODM, Patrick Tutui o JAP na oyio bwetenenerete Kuntai Nkashuma. Bwango aya atarakoreka, abarobekani ba ODM bakoragwa na Homa Bay Woman Respresentative Gladys Wanga nigo baika esukuru y’ oboroso ya Eng’alibo ase chikura chigoakwa ase ekageire buna amarieta ya abaakii chikura aburukanirie. Nonya nabo,abaaki chikura bande nigo bairana nka magega yaamarieta abo kobora.Abande baterigetie buna abaaki chikura nabarabwo nigobaika ase obonge ko’ babetererigwa koirana chinsobo. Oboaki chikura nigo bokageire koera goika chinsa ikomi nemo chia mogoroba na obobari gochaka aaria Maasai Technical Training Institute

Global Radio Network